Асуулгын цагаар Ерөнхий сайдаас төсвийн хариуцлагын талаар асуулаа
УИХ-ын Асуулгын цагаар Ардчилсан намын бүлгийн гишүүдийн хамт «Төсөв: хулгайлагдсан хариуцлага» сэдвээр Ерөнхий сайд Н.Учралаас асуулга авлаа. Д.Энхтуяа Хөгжлийн банк, Капитал банкны хэрэг, Жижиг, дунд үйлдвэрийг дэмжих сан, нүүрсний хулгай, «ногоон автобус» зэрэг төсвийн хөрөнгөтэй холбоотой хэргүүдэд Ерөнхий сайд хариуцлага тооцож чадах эсэхийг асуув.
УИХ-ын Асуулгын цаг сар бүрийн сүүлийн долоо хоногийн баасан гарагт 14:00 цагт болдог.
Дэлгэрэнгүй 2026 оны хаврын чуулганы ажлын тайлангаа танилцууллаа
УИХ-ын гишүүн Д.Энхтуяагийн 2026 оны хаврын чуулганы ажлын тайлан parliament.mn-д нийтлэгдлээ. Чуулганы хугацаанд тэрбээр 9 хууль, тогтоолын төслийг өргөн барьснаас нэгийг нь бие даан, наймыг нь бусад гишүүдтэй хамтран санаачилсан. Байнгын хороо болон нэгдсэн хуралдааны 13 хуралдаанд асуулт тавьж, байр сууриа илэрхийлсэн бөгөөд нэгдсэн хуралдааны 35 хуралдааны 28-д нь оролцжээ (ирц 80 хувь, 6 удаа чөлөөтэй, 1 удаа тасалсан).
Бие даан санаачилсан Асрах үйлчилгээний тухай анхдагч хуулийн төслөө 6 дугаар сарын 22-нд өргөн барьж, 7 дугаар сарын 3-нд нэгдсэн хуралдаанд танилцуулсан. Мөн Баянгол дүүргийн 400 гаруй ахмадыг Төрийн ордонд хүлээн авч, санаачилсан хуулийн төслүүдээ танилцуулсан байна.
Дэлгэрэнгүй Баянгол бизнес форумд 200 гаруй бизнес эрхлэгчтэй уулзлаа
«Баянгол бизнес форум 2026 — Бизнесээ сонсъё, шийдлийг хамтдаа бүтээе» арга хэмжээнд оролцож, Баянгол дүүргийн 200 гаруй бизнес эрхлэгчтэй тулгамдсан асуудал, шийдлийн талаар санал солилцлоо. Бизнес эрхлэгчид авлига, татварын дарамт, төрийн хүнд суртал, зээлийн өндөр хүү, боловсон хүчний дутагдал бизнест хүндрэл учруулж байгааг хэлсэн.
Д.Энхтуяа «Төр бизнес эрхлэх биш, бизнес эрхэлж байгаа хүмүүсээ бодлогоор дэмжих учиртай» гэж байр сууриа илэрхийлж, бизнес эрхлэгчдийн саналыг бодлого, хууль эрх зүйн зохицуулалтад тусгах ёстойг онцолсон.
Дэлгэрэнгүй Баялгийн сангийн орлогыг хуулиа өөрчлөхгүйгээр зарцуулахыг эсэргүүцлээ
2027 оны төсвийн төслийг хэлэлцэх үеэр Д.Энхтуяа Засгийн газар Үндэсний баялгийн сангийн тухай хуульд өөрчлөлт оруулах төслөө өргөн мэдүүлэлгүйгээр Хуримтлалын санд төвлөрөх ёстой орлогыг өөр зориулалтаар зарцуулахаар төсөвт тусгасныг шүүмжиллээ. Тэрбээр дагалдах хуулийн төсөл яагаад ирээгүйг Сангийн сайдаас тодруулж, төсвийн төсөл хуулийн шаардлага хангаж буй эсэхэд хяналт тавих нь УИХ-ын үүрэг гэдгийг онцолсон.
Д.Энхтуяа 2025 оны 6 дугаар сарын 26-нд УИХ-ын 20 гишүүний санаачилгаар байгуулагдсан, Үндэсний баялгийн сангийн тухай хуулийн хэрэгжилтийг дэмжих лобби бүлэгт ажилладаг.
Дэлгэрэнгүй Эмэгтэй гишүүдийг хийж буй ажлаар нь үнэлэхийг уриаллаа
Тэнгэр ТВ-д өгсөн ярилцлагадаа Д.Энхтуяа эмэгтэй гишүүдийг өмсөж зүүснээр нь бус, хийж буй ажлаар нь үнэлэхийг иргэдэд уриалав. Тэрбээр С.Цэнгүүн гишүүн төсвийн үр ашиггүй зарцуулалт, О.Номинчимэг гишүүн тамхины хяналт, А.Ариунзаяа гишүүн нийгмийн хамгаалал, Ж.Баярмаа гишүүн эмэгтэйчүүдийн улс төрийн оролцооны асуудлаар ажиллаж байгааг жишээ болгон дурдсан.
Дэлгэрэнгүй Эмэгтэй парламентчдын олон улсын форумд оролцлоо
Монгол Улсын Ерөнхийлөгчийн ивээл дор Төрийн ордонд зохион байгуулагдсан «Шийдвэр гаргах үйл явцад төлөөллөөс нөлөөлөлд» сэдэвт эмэгтэй парламентчдын олон улсын форумд оролцлоо. Форумд дэлхийн 20 гаруй орны төлөөлөгчид эмэгтэйчүүдийн улс төрийн манлайлал, шийдвэр гаргах түвшний оролцоо, цаашдын хамтын ажиллагааны талаар санал солилцов.
Д.Энхтуяа эмэгтэйчүүд парламентад хэдэн суудал эзэлж байгаагаас илүү иргэдийн амьдралд нөлөөлөх ямар бодлого санаачилж, ямар өөрчлөлт авчирч буй нь чухал гэдгийг онцолсон.
Дэлгэрэнгүй Ханбогд суманд говийн иргэдтэй уулзлаа
Ардчилсан намын «Монголоо өөрчилье, бүтээе» үндэсний хөдөлгөөний хүрээнд 10 дугаар сарын 8-нд Өмнөговь аймгийн Ханбогд суманд ажиллаж, Баян-Овоо, Номгон, Манлай, Цогт-Овоо, Цогтцэций, Ханбогд сумдын иргэд, төлөөллүүдтэй уулзлаа. Уулзалтаар нутгийн хөгжил, иргэдийн амьдралд тулгамдаж буй асуудал, түүнийг шийдэх арга замын талаар ярилцав.
Д.Энхтуяа улсын эдийн засгийг нуруундаа үүрч яваа Өмнөговийн хөгжил айл өрх бүрийн амьдралд мэдрэгдэх ёстойг онцолов.
Дэлгэрэнгүй Ахмад настнуудад Асрах үйлчилгээний тухай хуулийн төслөө танилцууллаа
Д.Энхтуяа «Алтан үе – Амьдралын баялаг» арга хэмжээг Төрийн ордонд зохион байгуулж, ахмад настнуудад Асрах үйлчилгээний тухай хуулийн төслөө танилцуулав. Ахмадын асуудлыг зөвхөн халамжийн бус, хүний эрх, бие даасан, нэр төртэй амьдралын үүднээс харах ёстойг онцолж, 2027 онд насан туршийн боловсрол, дижитал бичиг үсэг, соёл урлаг, спортын хөтөлбөр хэрэгжүүлэхээр төлөвлөж буйгаа хэлэв.
Дэлгэрэнгүй «Нээлттэй парламент» танхимд иргэдтэй уулзлаа
Д.Энхтуяа «Нээлттэй парламент» танхимд 22 иргэнтэй уулзаж, Асрах үйлчилгээний тухай хуулийн төслийн үзэл баримтлалыг танилцуулав. Иргэд ахмадын асаргаа, тэтгэвэр, нийгмийн хамгаалал, хүүхэд, эмэгтэйчүүдийн эрхийн талаар санал хэлж, тэрбээр асуултад нь хариулсан.
Дэлгэрэнгүй Солонгост амьдарч буй монгол хүүхдүүдийн эрхийг хамгаалахад анхаарахыг хүслээ
Монгол-БНСУ-ын парламентын бүлгийн гишүүний хувьд БНСУ-ын Үндэсний Ассамблейн гишүүдтэй хийсэн уулзалтад оролцсон Д.Энхтуяа Солонгост амьдарч буй 60 мянга гаруй монгол иргэний 10 мянга гаруй нь хүүхэд байгааг дурдаж, тэдний эрхийг хамгаалахад анхаарахыг хүсэв. Солонгосын тал хүүхдүүдэд онцгой анхаарал хандуулахаа илэрхийлсэн.
Дэлгэрэнгүй УИХ Асрах үйлчилгээний тухай хуулийн төслийг хэлэлцэхээр шийдвэрлэлээ
Чуулганы нэгдсэн хуралдаанд Д.Энхтуяа хууль санаачлагчийн илтгэлийг танилцуулж, асрах үйлчилгээг цогцоор нь зохицуулсан хууль одоогоор байхгүй байгааг онцлов. Хуралдаанд оролцсон гишүүдийн олонх төслийг хэлэлцэх нь зүйтэй гэж үзсэн.
Дэлгэрэнгүй Асрах үйлчилгээний тухай хуулийн төслийг өргөн мэдүүллээ
Д.Энхтуяа, А.Ганбаатар нарын 64 гишүүний санаачлан боловсруулсан анхдагч хуулийн төслийг УИХ-ын даргад өргөн мэдүүлэв.
Дэлгэрэнгүй Ардчилсан намын дэд даргаар сонгогдлоо
Ардчилсан намын Үндэсний бодлогын хорооны 69 дүгээр хуралдаанаар намын таван дэд даргыг сонгоход УИХ-ын гишүүн Д.Энхтуяа тэдний нэгээр сонгогдов.
Дэлгэрэнгүй Асрах үйлчилгээний тухай хуулийн төслийг олон нийтэд танилцуулж, санал авч эхэллээ
Д.Энхтуяагийн санаачилсан Асрах үйлчилгээний тухай хуулийн төслийн анхны олон нийтийн хэлэлцүүлэг Төрийн ордонд болов. Төсөл нь асрах үйлчилгээний төрлийг тодорхойлж, үйлчилгээ авагч, үзүүлэгчийн эрхийг баталгаажуулах, асаргааны мэргэжилтний стандарт, санхүүжилтийн ил тод механизм бий болгох зорилготой.
Дэлгэрэнгүй ЖАЙКА-ийн Суурин төлөөлөгч Араи Ринатай уулзлаа
Д.Энхтуяа ЖАЙКА-ийн Монгол дахь Суурин төлөөлөгч Араи Ринатай уулзаж, асрах үйлчилгээний чиглэлээр хамтран ажиллах хүсэлтэй байгаагаа илэрхийлэв. Эрх зүйн орчин дутмаг байгаа нь хувийн хэвшил энэ үйлчилгээг эрхлэхэд саад болж буйг дурдсан.
Дэлгэрэнгүй Ардчилсан хүчний холбооны Ерөнхийлөгчөөр сонгогдлоо
Ардчилсан хүчний холбоо 15 жилийн ойгоо тэмдэглэн Төрийн ордонд зохион байгуулсан бага хурлаар Д.Энхтуяа холбооны Ерөнхийлөгчөөр сонгогдов. Ардчиллын үнэт зүйлийг түгээж, авлигагүй, шударга нийгмийн төлөө ажиллахаа илэрхийлсэн.
Дэлгэрэнгүй Гавьяат тамирчин Ц.Раднааг хүлээн авч, хүндэтгэл үзүүллээ
Д.Энхтуяа Монгол Улсын гавьяат тамирчин, дэлхийн гүйлтийн рекорд эзэмшигч Ц.Раднааг хүлээн авч, хүндэтгэл үзүүлэв.
Дэлгэрэнгүй Ахмад үеийн туршлагыг УИХ-ын ажилд оролцуулах хөтөлбөр эхэллээ
УИХ-ын гишүүн Д.Рэгдэл, О.Саранчулуун, А.Ариунзаяа, Д.Энхтуяа нар «Туршлага бол хүч» уриатай «Нээлттэй парламент: Эксперт» хөтөлбөрийг танилцуулав. Туршлагатай ахмадуудыг УИХ-ын ажлын хэсгүүдэд оролцуулах энэ хөтөлбөрийг Д.Энхтуяа бусад гишүүдийн хамт боловсруулсан.
Дэлгэрэнгүй Азийн хөгжлийн банктай эрчим хүч, асаргааны чиглэлээр хамтран ажиллахаар ярилцлаа
Д.Энхтуяа АХБ-ны Монгол дахь Суурин төлөөлөгч Шэннон Коулинтэй уулзаж, нар, салхины эрчим хүчний хөрөнгө оруулалт болон асрах үйлчилгээний анхдагч хуулийн төсөл дээр хамтран ажиллах санал тавив. АХБ техникийн туслалцаа үзүүлж, мэргэжилтэн холбож өгөх боломжтой гэдгээ илэрхийлсэн.
Дэлгэрэнгүй Японы асаргааны туршлагаас суралцсан ажлын хэсэг хэвлэлийн бага хурал хийлээ
Асрах үйлчилгээний ажлын хэсгийн гишүүд Японы ахмад настан, хөгжлийн бэрхшээлтэй иргэдийн асаргааны туршлагыг судлаад хэвлэлийн бага хурал хийв. Д.Энхтуяа ахмад настныг асрах, хамгаалах хуулийн шинэчлэл зайлшгүй хэрэгтэйг онцолж, гишүүд томилолтын тайлангаа олон нийтэд тайлагнадаг жишиг тогтоохыг санал болгосон.
Дэлгэрэнгүй «Худал мэдээлэл тараах» заалтыг хасах хуулийн төслийг өргөн мэдүүллээ
УИХ-ын гишүүн Ч.Лодойсамбуу, Б.Баярбаатар, Д.Энхтуяа, А.Ганбаатар нар Эрүүгийн хуулийн «худал мэдээлэл тараах» гэмт хэргийн заалтыг хасах төслийг УИХ-ын даргад өргөн барив. Үзэл бодлоо илэрхийлэх, хэвлэн нийтлэх эрх чөлөөг илүү баталгаажуулах зорилготой.
Дэлгэрэнгүй Ахмад настны үндэсний төвд ажиллаж, асаргааны шинэчлэл хэрэгтэйг онцоллоо
Асрах үйлчилгээний эрх зүйн орчныг судлах ажлын хэсгийн гишүүний хувьд Д.Энхтуяа Төв аймгийн Батсүмбэр сум дахь Ахмад настны үндэсний төвд ажиллаж, ахмадууд болон ажилтнуудтай уулзав. Асрахуй, сувилахуйн үйлчилгээг олон улсын жишигт хүргэх шаардлагатайг онцолсон.
Дэлгэрэнгүй НҮБ-ын Хүүхдийн сангийн Суурин төлөөлөгчтэй уулзлаа
Д.Энхтуяа НҮБ-ын Хүүхдийн сангийн Суурин төлөөлөгч Эваристе Коуасси-Комлантай уулзаж, хүүхэд эрүүл, аюулгүй орчинд өсөх эрх зүйн орчныг сайжруулахад хамтран ажиллахад бэлэн байгаагаа илэрхийлэв. Агаар, ус, хөрсний бохирдол хүүхдийн эрүүл мэндэд нөлөөлж буйг онцолсон.
Дэлгэрэнгүй